Міністры абароны Польшчы і Літвы сустрэліся на мяжы з Беларуссю
4- 3.07.2024, 21:29
- 11,662
![Міністры абароны Польшчы і Літвы сустрэліся на мяжы з Беларуссю](https://i.c97.org/ai/601448/aux-head-1720031389-20240101_terminal_360.jpg)
Абмяркоўвалі гібрыдныя атакі рэжыму Лукашэнкі.
Міністры абароны Польшчы і Літвы Уладзіслаў Касіняк-Камыш і Лаўрынас Кашчунас сустрэліся 3 ліпеня недалёка ад мяжы з Беларуссю і абмеркавалі «гібрыдную вайну» на межах Беларусі з краінамі ЕЗ.
Візіт кіраўніка польскага міністра абароны ў Літву пачаўся з наведвання міністрамі пункта пропуску літоўскай памежнай службы ў Падварэнісе, размешчаным недалёка ад памежнага пераходу Мядзінінкай – Каменны Лог.
Wicepremier W. @KosiniakKamysz rozpoczął wizytę na Litwie. W programie m. in. rozmowy bilateralne z ministrem obrony 🇱🇹 @LKasciunas oraz spotkanie z przedstawicielami Straży Granicznej na punkcie kontrolnym w Padvarionys. pic.twitter.com/z57JuJ8XG6
— Ministerstwo Obrony Narodowej 🇵🇱 (@MON_GOV_PL) July 3, 2024
Звяртаючыся да памежнікаў, Уладзіслаў Касіняк-Камыш падкрэсліў, што на польска-беларускай мяжы, а таксама на межах Літвы, Латвіі і Эстоніі ідзе «гібрыдная вайна». Літоўскія памежнікі азнаёмілі польскіх гасцей з устаноўленай на мяжы памежнай загародай і сістэмай назірання, а таксама з падыходам да яго аховы.
«На мяжы ідзе гібрыдная вайна, яна таксама ідзе ў Літве, Латвіі і Эстоніі, на кожнай з нашых межаў. Сёння польская мяжа церпіць ад самых інтэнсіўных атак. (...) Польскага салдата забіў бандыт, які не шукаў прытулку, а хацеў нанесці смяротны ўдар. Польская дзяржава не супакоіцца, пакуль мы не знойдзем вінаватага, і польская дзяржава разам са сваімі хаўруснікамі зробіць усё, каб лепш абараніць усходнюю мяжу Еўразвязу і NATO», – заявіў Уладзіслаў Касіняк-Камыш, словы якога прыводзіць прэс-служба Міністэрства абароны Польшчы.
Касіняк-Камыш і Кашчунас таксама паведамілі, што абмяняюцца досведам у галіне аховы і ўмацавання межаў.