У Беларусі ўвялі новыя абмежаванні супраць таксі і перавозчыкаў

Зацверджаны механізм блакіроўкі інтэрнэт-сэрвісаў.

Рада міністраў Беларусі адобрыла пастанову аб абмежаванні доступу да інтэрнэт-сэрвісаў, прывязаную да ўказа «Аб аўтамабільных перавозках». Пастанову апублікавалі 3 ліпеня, яна набудзе моц у частцы аб блакіроўцы ад 1 лістапада 2024 года.

Пастанова дае права Міністэрству падаткаў і збораў, органам фінансавых расследаванняў Камітэту дзяржаўнага кантролю і транспартнай інспекцыі Міністэрства транспарту прымаць рашэнні, паводле якіх правайдэры павінны заблакаваць сайт перавозчыка на працягу 4 гадзін пасля ўключэння ў адпаведны рэестр. На разгляд заявы аб разблакаванні чыноўнікам даюць 15 каляндарных дзён.

Указ супраць перавозчыкаў Лукашэнка анансаваў яшчэ мінулай восенню, ён быў апублікаваны сёлета 25 студзеня. Згодна з указам плануецца стварыць рэестр перавозчыкаў, якім можна працаваць; устанавіць сістэму відэаназірання ў кожным транспартным сродку; захоўваць на працягу года інфармацыю аб паездках пасажыраў.

Пад забарону фактычна можа патрапіць любы перавозчык: работнікі міністэрства падаткаў летась расказвалі, што паводле вынікаў праверкі 100 перавозчыкаў знайшлі 66 парушэнняў. Амаль 71% ад усіх выяўленых парушэнняў прыпала на няправільную арганізацыю прыёму аплаты за праезд.

Цяпер праблема можа ўзнікнуць яшчэ і з захаваннем матэрыялаў відэаназірання. Адзін перавозчык, які ініцыятыўна абсталяваў свае маршруткі сістэмай відэаназірання, расказаў, што за дзень рэгістратар толькі ў адным мікрааўтобусе генеруе 128 Гб даных. І калі ў парку шмат аўто, то для захоўвання гэтых запісаў спатрэбіцца ледзьве не дата-цэнтр і штат айцішнікаў.

А доступ да матэрыялаў відэаназірання могуць атрымаць сілавікі, следчыя, пракуроры, суды, супрацоўнікі ДАІ і транспартнай інспекцыі, а таксама «іншыя, вызначаныя заканадаўствам».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]