Экспэрт аб удары па аэрадроме «Сакі»: Ворагу не ўдалося падняць самалёты ў паветра, каб іх выратаваць
13- 26.07.2024, 18:08
- 77,008
![Экспэрт аб удары па аэрадроме «Сакі»: Ворагу не ўдалося падняць самалёты ў паветра, каб іх выратаваць](https://i.c97.org/ai/604300/aux-head-1722006626-20240101_skriin_360.jpg)
Гэта - вынік паспяховай працы Сіл абароны Украіны.
На расейскім вайсковым аэрадроме «Сакі» ў часова акупаваным Крыме пасля начной атакі дэтануюць боепрыпасы. Акрамя таго, могуць быць знішчаныя вайсковыя самалёты супраціўніка. Гэта - вынік паспяховай працы Сіл абароны Украіны.
Пра гэта FREEДОМ сказаў спікер Украінскага добраахвотніцкага войска "Поўдзень" Сяргей Братчук.
“Цяпер ідзе давыведка гэтага ўдару, але папярэдне можна казаць аб тым, што ёсць траплянне ў склад з боепрыпасамі і, наколькі мне вядома, зараз працягваецца дэтанацыя. Маглі быць пашкоджаныя таксама некалькі варожых самалётаў, якія знаходзяцца на гэтым аэрадроме”, - сказаў ён.
Братчук нагадаў, што да гэтага ўдар па аэрадроме Сакі наносіўся яшчэ ў студзені, і акупанты, магчыма, спадзяваліся, што ўдараў па іх у бліжэйшай будучыні не будзе. Як кажа Братчук, яны нават не паспелі падняць самалёты ў паветра. Іх на аэрадроме ў апошні час было мінімум 16 адзінак, гаворка ідзе пра Су-34 і Су-35.
“Але гаворка не толькі пра самалёты. Тут трэба разумець, на маю думку, больш глабальны момант. Рэч у тым, што самалёты - гэта прыемна, калі мы кажам пра тое, што збіваюцца, знішчаюцца. Але, на мой погляд, усё ж галоўнае - гэта калі знішчаецца аэрадромная інфраструктура. Бо гэта тое, што забяспечвае палёты гэтых самалётаў.
Не будзе інфраструктуры - не будзе узлётаў і, тым больш, не будзе пасадак. І як мінімум, вораг будзе перамяшчаць свае самалёты на больш далёкую адлегласць, напрыклад, на тэрыторыю ўжо Расейскай Федэрацыі, што павялічвае і час падлёту, і магчымасці ўкраінскіх сродкаў супрацьпаветранай абароны на тое, каб рэагаваць у выпадку варожай авіяцыйнай атакі… І самае галоўнае, нашы людзі будуць мець больш часу для таго, каб схавацца ў бяспечным месцы”, - пракаментаваў Сяргей Братчук.
Ён таксама адзначыў, ва Украіны дастаткова сродкаў уласнай вытворчасці для ўдараў па вайсковых аб'ектах акупантаў на тэрыторыі часова акупаванага Крыма.