Ураган на Гомельшчыне знёс блізу 700 дарожных знакаў
7- 24.07.2024, 21:22
- 3,470
![Ураган на Гомельшчыне знёс блізу 700 дарожных знакаў](https://i.c97.org/ai/604119/aux-head-1721845323-20240101_skriin_360.jpg)
Выправіць сітуацыю дарожнікі абяцаюць да канца месяца.
Ураган, які прайшоў па поўдні Беларусі 14 ліпеня, знёс у Гомельскай вобласці блізу 700 дарожных знакаў, піша «Штодзень».
Блізу 350 з іх (гэта значыць, палова ад агульнай колькасці) – гэта знакі на рэспубліканскіх дарогах. Рэгіянальныя ўлады паведамляюць, што блізу паловы з іх ужо адноўленыя.
Знесеныя дарожныя знакі часткова рамантуюць, калі адрамантаваць немагчыма – мяняюць на новыя. Поўнасцю выправіць сітуацыю дарожнікі абяцаюць да канца месяца.
Для параўнання: за першае паўгоддзе (да ўрагану) у Хойніцкім раёне замянілі толькі 24 дарожныя знакі і паставілі два новыя.