У Койданаўскім раёне ў ДТЗ пацярпелі пяцёра дзяцей
5- 24.07.2024, 18:34
- 6,054
![У Койданаўскім раёне ў ДТЗ пацярпелі пяцёра дзяцей](https://i.c97.org/ai/604103/aux-head-1721835285-20240101_skriin_360.jpg)
Аварыя адбылася сёння ўдзень.
У Койданаўскім раёне ў ДТЗ пацярпелі восем чалавек. З іх пяцёра - дзеці, паведамілі ў Следчым камітэце.
Аварыя адбылася удзень 24 ліпеня. Кіроўца Audi 100 ехаў па трасе Р65 Заслаўе - Койданава - Возера. Паблізу вёскі Дулічы Менскага раёна ён не даў перавагу Nissan пад кіраваннем 65-гадовага менчука, які ехаў па галоўнай.
На момант сутыкнення ў Audi знаходзілася восем чалавек, пяцёра з якіх – дзеці ва ўзросце ад 1,5 да 16 гадоў. З траўмамі рознай ступені цяжкасці яны шпіталізаваны ў Менскую абласную клінічную лякарню.
На месцы здарэння працуе следча-аператыўная група.