На Алімпіядзе ў Парыжы пачаліся першыя спаборніцтвы
- 24.07.2024, 18:03
- 4,102
![На Алімпіядзе ў Парыжы пачаліся першыя спаборніцтвы](https://i.c97.org/ai/604099/aux-head-1721833425-20240101_skriin_360.jpg)
Першымі стартавалі мужчынскія турніры ў футболе і рэгбі-7.
Алімпійскія гульні стартавалі ў сераду з мужчынскага футбольнага турніру, які адкрылі матчы Аргенціна - Марока і Узбекістан - Гішпанія.
Гульні праходзяць, адпаведна, у Сэнт-Эцьене і Парыжы.
У турніры бяруць удзел гульцы да 23 гадоў. Пры гэтым у каманду можна ўключыць трох футбалістаў старэйшых за гэты ўзрост, і перад Алімпіядай абмяркоўваўся магчымы ўдзел у спаборніцтвах такіх зорак, як Ліянэль Месі і Кіліян Мбапе.
Усяго на турніры згуляюць 16 каманд.
Таксама ў сераду стартавалі мужчынскія алімпійскія спаборніцтвы ў рэгбі-7.
Цырымонія адкрыцця Алімпіяды пройдзе ў пятніцу, 26 ліпеня. А першы камплект узнагарод будзе разыграны 27 ліпеня.