«Востраў чысціні» канчаткова ліквідуецца
10- 24.07.2024, 14:42
- 9,012
![«Востраў чысціні» канчаткова ліквідуецца](https://i.c97.org/ai/527660/aux-head-1670656616-20221210_ostrov_360.jpg)
Праз фінансавыя праблемы.
Гандлёвая сетка «Востраў чысціні» канчаткова ліквідуецца праз фінансавыя праблемы. Пра гэта распавёў міністр антыманапольнага рэгулявання і гандлю Аляксей Багданаў, піша БелТА.
Чыноўнік распавёў, што МАРГ спрабаваў дапамагчы «Востраву чысціні» ўрэгуляваць фінансавыя праблемы, аднак іх назапасілася занадта шмат.
«Гэта даўняя гісторыя, яны дастаткова даўно ішлі да гэтага няўдалага заканчэння. Калі мы даведаліся пра гэта, узялі працэс пад свой кантроль, спрабавалі ўсімі сіламі неяк дапамагчы ў рамках нашай кампетэнцыі, але ў іх сфармаваўся за апошнія пяць гадоў сапраўдны ком праблем.
Гэта не імгненныя цяжкасці, праблемы спелі доўга. Гэта і няўдалыя фінансавыя ўкладанні, і стратэгія развіцця бізнэсу - ён рос у іх вельмі хутка, і не кожная кампанія пры такім вялікім росце здольная справіцца. Таму, вядома, вельмі важна мець кваліфікаваны персанал, які можа кіраваць маштабаваннем гандлёвай сеткі, не ствараючы фінансавых праблем і іншых пытанняў», - адзначыў Багданаў.
Са слоў чыноўніка, міністэрства збірала банкі, удзельнікаў рынку, вытворцаў і пастаўшчыкоў і спрабавала развязаць праблему, але гэта не дапамагло.