«Месца сапраўды незвычайнае, проста - кіпень»
2- 24.07.2024, 14:06
- 14,420
![«Месца сапраўды незвычайнае, проста - кіпень»](https://i.c97.org/ai/604070/aux-head-1721819179-20240721_wada_360.png)
У Беларусі знайшлі «кавалачак Ісландыі».
Беларус падзяліўся ў TikTok відэа з цікавай лакацыяй, якую назваў «кавалачкам Ісландыі». Многія беларусы, як выявілася, не ведалі пра існаванне такога месца, піша telegraf.news.
Месца з крыштальна чыстымі «маленькімі гейзерамі», якія вырываюцца з-пад зямлі, называецца Кіпятак, і знаходзіцца яно ў вёсцы Ясянцах у Баранавіцкім раёне.
Аднак, насуперак назову, вада ў крыніцы зусім не гарачая і круглы год трымаецца ў межах 6-9 градусаў Цэльсія.
Такія крыніцы на тэрыторыі Берасцейшчыны - рэдкасць. і Кіпятак абвешчаны гідралагічным помнікам прыроды з 2010 года.
@s.stsiapanau РОДНИК КИПЯТОК. ЯСЕНЕЦ. БАРАНОВИЧСКИЙ РАЙОН. БЕЛАРУСЬ.
♬ оригинальный звук - Сергей Степанов
Вада ў крыніцы прыдатная для ўжывання. Паказчыкі Ph жорсткасці нітратаў у норме. Забруджванні адсутнічаюць.
Аднак вада мае перавышэнні па жалезе і медзі. Гэта можна ўбачыць і па рыжай афарбоўцы берагоў і камянёў. Таму ўжываць яе на сталай аснове не варта.
Шматлікія карыстачы пацікавіліся, ці можна ў крыніцы купацца, і аўтар відэа адказаў, што так, але праз яго глыбіню атрымаецца толькі паляжаць, як у ваннай.
Таксама некаторым падалося, што аўтар відэа няправільна паставіў націск у назве крыніцы. Але выявілася, што мясцовыя жыхары называюць Кіпятак менавіта з націскам на «я».
«У нас там лецішча. Муж родам з гэтай вёскі. Месца сапраўды незвычайнае, а сапраўды - кіпень», - напісала адна карыстальніца пад відэа.
«На мясцовым дыялекце гэта Кіпень. Быў там. Месца сапраўды зачароўвае», - выказаўся яшчэ адзін каментатар.