The Telegraph: Расейскія падводныя лодкі правялі сакрэтную аперацыю ў Ірландскім моры

Вялікая Брытанія ўмяшалася.

Як стала вядома, пасля незаконнага ўварвання Пуціна ва Украіну расейскія падводныя лодкі двойчы праводзілі беспрэцэдэнтныя місіі ў Ірландскім моры.

Брытанскія сілы перайшлі на абарону брытанскіх і ірландскіх вод пасля двух размяшчэнняў ударных падводных лодак класа «Кіло». Адно было амаль 18 месяцаў таму, а іншае - зусім нядаўна, піша The Telegraph.

Маштабы перамяшчэння расейскіх падводных лодак выйшлі за рамкі таго, што раней бачылі афіцыйныя асобы Вялікай Брытаніі, паведамляе Bloomberg са спасылкай на тры крыніцы, знаёмыя з гэтым пытаннем.

Падводныя лодкі класа «Кіло» могуць страляць расейскімі крылатымі ракетамі Калібр, тарпедамі і ставіць міны.

Расея мае больш за 60 падводных лодак класа «Кіло», максімальная хуткасць якіх у надводным становішчы складае 17 вузлоў, а ў падводным – 20 вузлоў. Яны выкарыстоўваліся для нападу на Украіну з боку Чорнага мора.

Вайскова-марскі інстытут ЗША заяўляе, што «Кіло» - гэта «адна з самых паспяховых вайскова-марскіх праграм у сучаснай гісторыі».

Паведамляецца, што афіцыйныя асобы ЗША былі ў курсе гэтых рухаў, якія маглі быць спробай запалохаць Вялікую Брытанію праз яе падтрымку Украіны ці выявіць слабыя месцы ў брытанскай і ірландскай абароне.

Расейскай падводнай лодцы было б складана плаваць у Ірландскім моры, не парушаючы міжнароднае права, бо паводле закона яны могуць плаваць толькі па паверхні тэрытарыяльных вод.

З паведамленняў Bloomberg, праз розную глыбіню Ірландскага мора расейскаму судну будзе складана падарожнічаць пад вадой.

Было вядома аб размяшчэнні расейскіх падводных лодак у водах вакол Брытаніі і заходняй Ірландыі падчас вайны ва Украіне. Аднак раней не паведамлялася, што яны падарожнічалі па Ірландскім моры, якое раздзяляе Вялікую Бытанію ад Ірландыі.

Ірландскія СМІ паведамілі, што брытанскі вайсковы карабель і верталёт пераследавалі расейскую падводную лодку каля гавані Корк на паўднёвым захадзе Ірландыі. Паведамляецца, што Вялікая Брытанія ўмяшалася, бо ірландскія сілы не змаглі супрацьстаяць падводнай пагрозе ў Корку, які з'яўляецца пунктам далучэння падводнага кабелю, які злучае Вялікую Брытанію і Канаду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]