Расейскі «Шахед» даляцеў да Віцебска
44- 13.07.2024, 21:46
- 35,138
![Расейскі «Шахед» даляцеў да Віцебска](https://i.c97.org/p/articles/2017/ai-257762-aux-head-20170727_vitebsk_360.jpg)
Дрон тры гадзіны кружляў над Беларуссю і загадкава знік.
У ноч на 13 ліпеня Расея зноў атакавала Украіну дронамі-камікадзэ. Адзін з гэтых БПЛА, верагодна, блізу 3 гадзіны ночы ўвайшоў у паветраную прастору Беларусі праз беларуска-ўкраінскую мяжу ў Гомельскай вобласці.
Пра гэта паведамляе obozrevatel.com са спасылкай на маніторынгавую групу «Беларускі Гаюн». Дрон кружляў над краінай амаль тры гадзіны і, мяркуючы з усяго, даляцеў да Віцебска і знік.
ВПС і войскі СПА РБ а 5-й раніцы зноў падымаліся на трывогу для перахопу. Гелікаптэр Мі-24 і знішчальнік Су-30 паўтары гадзіны беспаспяхова патрулявалі паўднёвы ўсход Віцебскай вобласці.
Далейшы лёс «Шахеда» на тэрыторыі Беларусі невядомы. Інфармацыі пра яго збіццё ці падзенне няма. Беларуская авіяцыя вярнулася на месца сталай дыслакацыі.
![](https://i.c97.org/ai/602678/aux-1720860895-1.jpg)
Нагадаем, што ўвечары 11 ліпеня падчас чарговага дронавага ўдару Расеі па Украіне адзін з варожых Shahed-136 пралятаў над тэрыторыяй Беларусі.