«Такі свіст – і самалёт рэзка ўпаў»
2- 13.07.2024, 11:11
- 9,330
Жыхары Падмаскоўя расказалі новыя падрабязнасці пра падзенне «Суперджэта».
Жыхары Падмаскоўя, якія назіралі падзенне пасажырскага самалёта «Суперджэт» авіякампаніі Газпрамавія, расказалі ВЧК-ОГПУ новыя падрабязнасці пра аварыю.
Паводле звестак з маніторынгавых сайтаў, Суперджэт вылецеў з аэрадрома ў Лухавіцах, дзе праходзіў ТА і ляцеў у аэрапорт Унукава. Перад падзеннем самалёт кружыўся ў небе, а потым, са словаў суразмоўцаў, прамчаў на экстрэмальна нізкай вышыні над вёскай Апраксіна і ўпаў прыкладна за 3 кіламетры ад населенага пункта. Месца падзення паводле папярэдніх звестак – гэта яр побач з лесам.
Відавочцы паведамляюць, што пасля крушэння Сухога над месцам кружыў «кукурузнік» і цяпер прыляцеў гелікаптэр. Многія прадстаўнікі экстранных службаў да гэтага часу едуць у дарозе да месца здарэння.