NATO паднімае над Польшчай свае самалёты ДЛРА

Лукашэнка і расейцы – пад пільным поглядам.

NATO зноў накіроўвае самалёты далёкага радыёлакацыйнага выяўлення і кіравання (ДРЛА) у паветраную прастору Польшчы для назірання за небам над Украінай, піша UK Defence Journal у нядзелю, 30 чэрвеня.

Разведзвесткі ўзмоцняць прысутнасць NATO ў рэгіёне і маніторынг вайсковай актыўнасці Расеі. Афіцыйна ўся выведвальная інфармацыя перадаецца толькі сябрам NATO, аднак некаторыя з іх, як вядома, аператыўна дзеляцца інфармацыяй з Украінай. Гэта дапамагае адбіваць расейскія атакі, распавёў UK Defence Journal былы афіцэр Каралеўскіх ВПС на ўмовах ананімнасці.

«Звесткі заходняй разведкі даюць Украіне магчымасць рэагаваць крыху хутчэй», – сказаў ён.

Сістэмы ДРЛА здольныя выяўляць самалёты на адлегласці сотняў кіламетраў, гэта робіць іх ключавым патэнцыялам стрымлівання і абароны NATO, гаворыцца ў матэрыяле.

Альянс павялічыў сваю вайскова-паветраную прысутнасць ва Усходняй Еўропе і над Балтыйскім морам пасля пачатку поўнамаштабнага ўварвання РФ ва Украіну. Сістэмы NATO праводзяць рэгулярныя патруляванні, каб адсочваць расейскія вайсковыя самалёты паблізу межаў Альянсу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]