Расейскія вайскоўцы выпусцілі пяць авіяцыйных бомб на Белгародскую вобласць

За два дні.

Пяць авіяцыйных боепрыпасаў рознай магутнасці выявілі за два дні ў Белгарадскай вобласці, піша тэлеграм-канал Baza.

З ягоных, першую фугасную авіяцыйную бомбу (ФАБ-1500) знайшлі раніцай 28 чэрвеня за некалькі кіламетраў ад вёскі Круты Лог. На наступны дзень дзве авіябомбы ФАБ-500 былі знойдзены ў Шабекінскай гарадской акрузе. Яшчэ адну знайшлі зноў недалёка ад Крутога Логу.

Пад вечар 29 чэрвеня за 6 кіламетраў ад пасёлка Маслава Прыстань знайшлі частку трохтоннай ФАБ-3000. Крыніцы тэлеграм-канала сцвярджаюць, што пацярпелых у выніку падзення авіябомбаў няма, эвакуяваць жыхароў з найбліжэйшых населеных пунктаў не спатрэбілася. Знойдзеныя авіябомбы рыхтуюцца знішчыць.

Дагэтуль аб падзенні авіябомбаў на Белгародскую вобласць 11 і 12 чэрвеня паведамляў тэлеграм-канал Astra. Тады таксама пяць фугасных авіяцыйных бомбаў знайшлі ў сёлах Няклюдава, Новабудоўка, Цепляева-другое, у аколіцах пасёлкаў Батрацкая Дача і Ленінскі.

Яшчэ раней дзве ФАБ-500 былі знойдзены ў Белгарадскай вобласці ў дзень абрынання шматпавярхоўкі ў Белгарадзе – 12 траўня. Месца падзення бомбаў было менш чым за 8 км ад дому на вуліцы Шчорса, 55А, у якім у выніку траплення боепрыпаса абрынуўся пад'езд. Абедзве ФАБ закапаліся ў зямлю і не разарваліся. Губернатар рэгіёну Вячаслаў Гладкоў заклікаў мясцовых жыхароў эвакуявацца на час правядзення размінавання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]