Экспэрт: Украінскія дроны ўжо здольныя лётаць на тры тысячы кіламетраў

І несці нагрузку да 100 кілаграм.

Украінскія дроны здольныя лятаць на 3 тыс. км і несці нагрузку да 100 кг. Пра гэта FREEДОМ распавёў украінскі экспэрт у сферы авіяцыі, намеснік генеральнага дырэктара кампаніі ў вытворчасці сродкаў радыёэлектроннай барацьбы Анатоль Храпчынскі.

- Як чалавек, які мае дачыненне да некаторых тыпаў вытворчасці такіх БПЛА, хачу сказаць, што ў прынцыпе ў нас ёсць магчымасці лятаць на адлегласць да 3 тыс. кіламетраў, пры гэтым з розным тыпам нагрузкі баявой. Мы гаворым аб нагрузцы да 100 кілаграм. Гэта значыць, у прынцыпе, гэта даволі нядрэнныя вынікі. І варта сказаць, што калі мы гаворым пра дроны да тысячы кіламетраў, то, у прынцыпе, мы ўжо маем добры пацверджаны вынік – гэта знішчэнне такіх самалётаў, як Су-57, знішчэнне самалётаў Су-34, – сказаў ён.

Храпчынскі адзначыў, што цяпер стаіць глабальная задача перад Сіламі абароны Украіны і перад кампаніямі, якія займаюцца вытворчасцю беспілотных авіяцыйных сістэм – стварэнне моцных сродкаў, якія маглі б істотна наносіць страты Расейскай Федэрацыі, між іншым, яе тактычнай авіяцыі.

- Таму што мы бачым, як Расея актыўна выкарыстоўвае тактычную авіяцыю для скіду авіябомбаў. І паколькі ў нас пакуль што яшчэ няма дазволу з боку нашых заходніх партнёраў на выкарыстанне такіх сродкаў удару, як ATACMS, трэба карыстацца сваімі магчымасцямі. І гэта ўжо нядрэнны вынік, бо ідзе запуск серыйнай вытворчасці, – сказаў экспэрт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]