У Беларусі прыдумалі чарговыя змены для «дармаедаў»
14- 30.06.2024, 19:57
- 25,930
![У Беларусі прыдумалі чарговыя змены для «дармаедаў»](https://i.c97.org/p/articles/2015/ai-153075-aux-small-20150526_tunedcy_360.jpg)
Закране тых, хто выехаў за мяжу.
У «дармаедстве» ўвялі чарговую змену. Яна тычыцца тых, хто працуе ў краінах Еўразійскага эканамічнага звязу – Арменіі, Казахстане, Кыргызстане і Расеі. Змяненне запрацавала яшчэ з 1 лютага.
25 студзеня сёлета ўрад увёў змены пра «дармаедаў». Адно з новаўвядзенняў запрацавала з 1 лютага для працоўных у краінах Еўразійскага эканамічнага ўвязу – Расеі, Казахстане, Арменіі, Кыргызстане, звярнуў увагу праект «Хризантема».
Нагадаем, тыя, хто з'ехаў за мяжу больш, чым на 30 дзён, нават калі працуе ці вучыцца за мяжой, з сакавіка 2022 года ўважаюцца за «дармаедаў». Але да лютага гэтага года было выключэнне – навіна не тычылася ўсіх тых, хто працуе або вучыцца ў краінах ЕАЭС.
Калі раней ад «дармаедства» вызваляла любая занятасць у гэтых краінах, то з 1 лютага 2024 года – толькі праца паводле працоўнай дамовы або кантракта. Да прыкладу, праца самазанятым ці індывідуальным прадпрымальнікам у гэтых дзяржавах цяпер не вызваляе ад трапляння ў Беларусі ў базу «дармаедаў».
Каб пацвердзіць занятасць у краінах ЕАЭС, у «дармаедскую» камісію трэба падаць копію працоўнай дамовы ці кантракту. А яшчэ – даведку ад наймальніка, што чалавек сапраўды цяпер працуе ў яго.