«Пуцін ганяўся за пацукамі дзеля забаўкі»

Расейска-амерыканская журналістка раскрыла малавядомыя дэталі аб дзяцінстве дыктатара.

Дзяцінства расейскага кіраўніка Уладзіміра Пуціна ахутанае сакрэтамі і легендамі. Паводле адной з версій, яго айчымам мог быць грузін.

Як паведаміла ў інтэрв'ю «Радыё Свабода» расейска-амерыканская журналістка, даследчыца тэмы дзяцінства Пуціна Джулія Іофе, дыктатара маглі выхоўваць не родныя бацькі. З яе слоў, існуе альтэрнатыўная гісторыя нараджэння і ранняга дзяцінства Пуціна.

«Наколькі я разумею, была расейка, якая сказала, што яна нарадзіла гэтае дзіця ад расейца, я думаю па-за шлюбам, а потым выйшла замуж за грузіна, пераехала ў Грузію з маладым Валодзям Пуціным. Айчым ставіўся да яго жудасна і ў прынцыпе не ўспрымаў дзіця, якога мы зараз ведаем як Уладзіміра Пуціна, як сваё ўласнае», - адзначыла Іофе.

Паводле гэтай тэорыі, маці аддала яго далёкім сваякам у Ленінградзе... Менавіта таму людзі, якіх завуць бацькамі Пуціна, былі нашмат старэйшымі. Няма іншага спосабу растлумачыць, чаму яго бацькі настолькі старэйшыя.

«Я ведаю, што яна (імаверная біялагічная маці Пуціна - рэд.) шмат казала пра гэта замежным журналістам, і людзі казалі, што яна нават падобная да яго. Не ведаю», - сказала Іофе.

Інтэрв'юер пацвердзіў, што падабенства было «неймаверным». Зрэшты, пацвердзіць або зняпраўдзіць гэта зараз немагчыма.

У маленькага Пуціна не было ў дзяцінстве цацак. Ён ганяўся за пацукамі дзеля забаўкі. Ён рос у двары, меў стасункі з іншымі дзецьмі.

Усе гэтыя ўзаемадзеянні былі сканцэнтраваныя вакол фізічнай сілы і гвалту і вельмі строгай сацыяльнай іерархіі. І гэта было тваёй забаўкай. А таксама навучыцца чытаць людзей... Вы не можаце схавацца ад свайго мінулага ці схаваць многае... Справа не столькі ў цацках і пацуках, колькі ў галечы і беднасці той эпохі, а таксама ў тым, як яна навучыла гэтае пакаленне, што дабрабыт не гарантаваны, што заўсёды можа быць горш... Вось чаму ягоны палац у Геленджыку выглядае так... Я думаю, людзі, якія выраслі з грашыма, як правіла, не ўпрыгожваюць свае дамы такім чынам», - сказала Іофе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]