Дзясяткі дронаў атакавалі шэсць рэгіёнаў РФ
4- 30.06.2024, 12:19
- 5,348
![Дзясяткі дронаў атакавалі шэсць рэгіёнаў РФ](https://i.c97.org/ai/548321/aux-head-1684298079-20230517_bespilotnik_360.jpg)
Расейскае Мінабароны раскрыла падрабязнасці.
У ноч з 29 на 30 чэрвеня расейскія рэгіёны зазналі маштабны напад беспілотнікаў. Пра гэта паведаміла Міністэрства абароны Расеі.
Як сцвярджае расейскае Мінабароны, сродкамі СПА было збіта:
15 БпЛА над тэрыторыяй Курскай вобласці;
Губернатар вобласці Аляксей Смірноў заявіў, што абломкі ўкраінскага беспілотніка самалётнага тыпу ўпалі ў сяле Гнілым Цімскага раёна.
«Ніхто з жыхароў не пацярпеў», - адзначыў Смірноў.
9 БПЛА над тэрыторыяй Ліпецкай вобласці;
Кіраўнік рэгіёну Ігар Артамонаў таксама пацвердзіў гэтую інфармацыю і заявіў, што ахвяр няма.
«Дзевяць БПЛА былі збітыя над прамысловай зонай Ліпецка. На месцы падзення абломкаў зараз працягваюць працаваць супрацоўнікі спецслужбаў. Ахвяр няма», - адзначыў Артамонаў.
Па чатыры над Варонежскай і Бранскай абласцямі;
Па два БПЛА над тэрыторыямі Арлоўскай і Белгарадскай абласцей.
Аб нападзе беспілотнікаў на Белгародшчыне ўначы паведаміў губернатар рэгіёну Вячаслаў Гладкоў.
«Два робаты-камікадзэ атакавалі шматкватэрны дом у горадзе Грайвароне... Інфармацыя ўдакладняецца, пакватэрны абход будзе ажыццёўлены ў светлы час дня», — напісаў Гладкоў.
Мясцовыя расейскія паблікі апублікавалі фота наступстваў прылёту па Бранскай вобласці.
«Пад удар патрапіла сяло Сушаны Клімаўскага раёна. Са слоў мясцовых жыхароў, было некалькі скідаў», - гаворыцца ў подпісе да фота.
![](https://i.c97.org/ai/600973/aux-1719737360-1a6ea820-a7664a79fa1ae002af5eb3346df5820c.jpg)
Генеральны штаб і Міністэрства абароны Украіны пакуль не каментавала гэтую інфармацыю.