Курс японскай ены ўпаў да мінімуму з 1986 года

На ену цісне разрыў паміж адсоткавымі стаўкамі ў ЗША і ў Японіі.

Даляр на гандлі 26 чэрвеня ў моманце ўмацаваўся да ены на 0,58% і падняўся да 160,62 ены за даляр, сведчаць звесткі рынку Forex на 16:30 паводле Менска. Вышэй за гэтае значэнне валютная пара USD/JPY апошні раз гандлявалася ў снежні 1986 года.

Як піша Bloomberg, на ену цісне істотны разрыў паміж адсоткавымі стаўкамі ў ЗША і ў Японіі, дзе кошт пазык застаецца блізкім да нуля. Наступнай сур'ёзнай праблемай для японскай валюты, адзначае агенцтва, могуць стаць звесткі коштавага азначніка базавых выдаткаў на асабістае спажыванне (PCE) у пятніцу, 28 чэрвеня. Гэта індыкатар, на які ФРС звяртае больш за ўсё ўвагі пры адсочванні інфляцыі ў краіне.

З пачатку года японская валюта аслабла больш як на 12%. Гэта прывяло да павышэння коштаў імпарту, нанесла страты японскім спажыўцам і выклікала рост занепакоенасці сярод бізнэсу.

Беручы да ўвагі, што базавыя адсоткавыя стаўкі ў Японіі застаюцца крыху вышэйшыя за нуль, а адсоткавыя стаўкі ў ЗША пакуль не зніжаныя, разрыў у прыбытковасцях на рынках дзвюх краінаў азначае, што ена можа прадоўжыць паслабленне, піша Bloomberg.

У красавіку і траўні 2024 года Мінфін Японіі праводзіў валютныя інтэрвенцыі з мэтай стабілізаваць курс нацыянальнай валюты, які ўпаў ніжэй за адзнаку 160 енаў за даляр – максімуму больш чым за тры дзесяцігоддзі. Японія выдаткавала на стабілізацыю курсу 9800 млрд енаў (блізу $ 61,3 млрд). Дакладныя даты інтэрвенцый установа не ўдакладніла. Звесткі пра валютныя рэзервы паказваюць, што Японія, верагодна, прадавала казначэйскія аблігацыі ЗША, паведаміла агенцтва.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]