Беларус перажыў сваякоў, якія прызналі яго недзеяздольным праз алкагалізм

І зноў пайшоў у суд.

У жыхара Віцебскага раёна здаўна былі сур'ёзныя праблемы з алкаголем. Сям'і нават давялося прызнаць яго абмежавана дзеяздольным. Але праз гады сітуацыя змянілася - ва ўсякім разе, з сям'ёй, - і мужчына наважыў аднавіцца ў правах. «Зеркало» расказвае падрабязнасці судовай справы.

Яўген (імя выдуманае) не проста піў, а піў так, што, відавочна, прапіваў усе грошы і ўганяў сям'ю ў пазыкі. Ён жыў з маці, айчымам і братам, і ім такая сітуацыя зусім не падабалася. Яны падалі пазоў у суд і папрасілі прызнаць Яўгена абмежавана дзеяздольным на той падставе, што ён ставіў у цяжкае матэрыяльнае становішча сваякоў.

Суд задаволіў пазоў, і Яўген страціў магчымасць распараджацца грашыма і маёмасцю. Адзначым, жыхары Беларусі даволі часта ўжываюць такія захады да сваіх блізкіх праз алкагалізм.

Ішлі гады. Невядома, ці змяніў мужчына лад жыцця, але яму ўдалося перажыць усіх сваіх блізкіх. Тады Яўген зразумеў: і маці, і айчым, і нават брат - усе, хто зладзіў яму абмежаванне правоў - ужо мёртвыя, а значыць, ён больш нікому не перашкаджае і мог бы жыць так, як хоча.

Яўген пры дапамозе свайго прадстаўніка (імаверна, апекуна або адваката) звярнуўся ў суд і ўказаў у пазове, што сямейнікі, якія пражывалі разам з ім, памерлі, таму ён больш не ставіць нікога ў цяжкае матэрыяльнае становішча і просіць скасаваць абмежаванне дзеяздольнасці.

На суд запрасілі прадстаўніка органаў апекі. Той не стаў пярэчыць супраць пазову і прызнаў патрабаванні мужчыны мэтазгоднымі і законнымі.

Суд вывучыў матэрыялы справы і прыйшоў да высновы, што ў гэтым выпадку падставы, з прычыны якіх грамадзянін быў абмежаваны ў дзеяздольнасці, адпалі, а значыць, у адпаведнасці з ч.3 артыкула 30 Грамадзянскага кодэкса, неабходна скасаваць абмежаванне дзеяздольнасці.

У выніку пастанова была прынятая на карысць Яўгена, і яго цалкам аднавілі ў правах. Няясна, ці кінуў мужчына піць, але ва ўсякім разе ён зараз мае волю рабіць гэта, не замінаючы нікому жыць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]