У Кітаі «клапатлівы» злодзей скраў у фірмы гадзіннік і ноўтбук і пакінуў цыдулку з парадамі для дырэктара

Пра што ў ёй гаварылася?

Мужчына ў Шанхаі абакраў мясцовую фірму і пакінуў цыдулку з парадамі для дырэктара і сваім нумарам тэлефона, каб яго маглі знайсці. Аб гэтым піша South China Morning Post.

Мужчына па прозвішчы Санг пракраўся ў офіс, забраўшыся па сцяне будынка. З памяшкання ён скраў толькі наручны гадзіннік і ноўтбук MacBook ад Apple. Пры гэтым усю астатнюю тэхніку ў офісе, мабільныя тэлефоны і ноўтбукі, ён склаў на адным са сталоў. Пад прыладамі ён пакінуў цыдулку.

«Паважаны дырэктар, я ўзяў наручны гадзіннік і ноўтбук. Вам трэба палепшыць сваю супрацькрадзёжную сістэму. Я не забраў усе тэлефоны і ноўтбукі, баючыся, што гэта можа нашкодзіць вашаму бізнэсу», - гаварылася ў ёй.

У канцы цыдулкі злодзей пакінуў свой нумар тэлефона і папрасіў звязацца з ім, калі ўладальнік тэхнікі хоча яе вярнуць.

Невядома, ці тэлефанаваў дырэктар фірмы ветліваму злодзею, але адзначаецца, што яго знайшлі дзякуючы камерам назірання. Мужчыну затрымалі ў цягніку, які адпраўляўся з Шанхая. У яго пры сабе былі выкрадзеныя рэчы. Цяпер ён знаходзіцца пад вартай.

Адзначаецца, што карыстачы кітайскіх сацсетак замілаваліся яго манерам. Некаторыя назвалі яго ветлівым і добрым, іншыя жартавалі, што замест таго, каб раіць фірме ўзмацніць бяспеку, яму варта было б палепшыць свае навыкі ўцёкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]