У штабе Трампа раскрылі яго план па завяршэнні вайны ва Украіне

Гэта будзе прыярытэтам.

Калі Дональд Трамп будзе пераабраны прэзідэнтам ЗША, яго прыярытэтам будзе найхутчэйшае заканчэнне вайны паміж Расеяй і Украінай, аднак пры гэтым еўрапейскія краіны павінны рабіць большы ўклад у падтрымку бяспекі, заявілі ў выбарчым штабе Трампа на запыт «Голасу Амерыкі».

«Прэзідэнт Трамп неаднаразова заяўляў, што галоўным прыярытэтам яго другога тэрміну будзе як мага хутчэй дамовіцца аб спыненні расейска-ўкраінскай вайны. Прэзідэнт Трамп уважае, што еўрапейскія краіны павінны плаціць вялікую долю выдаткаў, звязаных з канфліктам, бо ЗША заплацілі значна больш, што несправядліва ў дачыненні да нашых падаткаплацельшчыкаў», – гаворыцца ў пісьмовым адказе ад імя дырэктара ў камунікацыях выбарчага штаба Трампа Стывена Чэнга.

Акрамя таго, адзначаецца, што Трамп «зробіць усё неабходнае, каб аднавіць мір і аднавіць амерыканскую сілу і стрымліванне на сусветнай арэне»:

«Ён адзіны чалавек, які можа гэта зрабіць. Вайна паміж Расеяй і Украінай ніколі б не адбылася, калі б Дональд Трамп быў прэзідэнтам. Так сумна».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]