Як выглядаюць і колькі каштуюць самыя танныя кватэры ў Менску

Да 43 тысяч даляраў.

У прыгарадзе Менска яшчэ можна знайсці кватэры таннейшыя за 40 тысяч даляраў, а вось у межах горада такіх ужо не засталося. Realt падабраў 5 бюджэтных варыянтаў да 43 тысяч даляраў. Гэта аднапакаёўкі ў трох раёнах Менска.

Вуліца Галадзеда (Заводскі раён)

Дом на Галадзеда, 53/2 пяціпавярховы. Яго пабудавалі ў 1968 годзе. На першым паверсе прадаецца аднапакаёвая кватэра ў 24 м². Кухня займае 5,5 м ².

У кватэры асобны жылы пакой. У вокнах стаяць шклопакеты з профілем ПВХ. Падлогавае пакрыццё – лінолеум. У пярэднім пакоі ёсць шафа-купэ.

Санвузел тут сумешчаны.

Дом стаіць у дварах. Паміж ім і дарогай размяшчаецца адзін будынак. Па другі бок вуліцы знаходзіцца Чыжоўскае вадасховішча.

Кошт кватэры – 40 тысяч даляраў. Метр – 1667 даляраў.

Вуліца Карла Лібкнехта (Маскоўскі раён)

Трохпавярховы дом на Лібкнехце, 79 быў пабудаваны ў 1957 годзе. Тут на другім паверсе прадаецца кватэра плошчай 26,8 м². Кухня – 5,2 м².

Кватэра мае патрэбу ў рамонце. Спрашчае працу тое, што яна практычна пустая. Столі тут дасягаюць 3 метраў.

Санвузел – сумешчаны. Ёсць адкрыты балкон з выхадам з кухні.

Станцыя метро «Грушаўка» знаходзіцца ў 10 хвілінах хады.

Кошт аднапакаёўкі – 40 тысяч даляраў. Адзін квадратны метр абыдзецца ў 1 493 даляры.

Завулак Уральскі (Партызанскі раён)

Аднапакаёвая кватэра прадаецца ў доме на Уральскім завулку, 3. Яна размяшчаецца на чацвёртым паверсе пяціпавярхоўкі 1962 пабудовы. У 2023 годзе ў доме прайшоў капрамонт. Агульная плошча кватэры – 30,66 м². Кухня займае 6,12 м².

У кватэры ўстаноўлены вокны ПВХ, лічыльнікі ўліку газу і вады, заменены трубы па стаяку.

Санвузел тут сумешчаны. Гаўбца няма.

Да станцый метро «Плошча Перамогі» і «Трактарны завод» усяго некалькі прыпынкаў на трамваі.

Кошт кватэры – 41 500 даляраў. Метр – 1354 даляра.

Вуліца Жылуновіча (Заводскі раён)

Пяціпавярховік на Жылуновіча, 47 быў узведзены ў 1965 годзе. Кватэра прадаецца на апошнім паверсе. Яе плошча – 29,7 м². Кухня – 6 квадратных метраў.

Аднушка мае патрэбу ў рамонце. Вокны тут выходзяць на два бакі. На падлозе ляжаць драўляныя дошкі.

Санвузел – сумешчаны, з акном у кухню. Гаўбца няма, але пакупнікам дастанецца яшчэ і месца ў падвале.

Да станцыі метро «Партызанская» блізу 10 хвілін хады. Побач ёсць крамы, дзіцячы садок і кінатэатр.

Кватэра каштуе 42-800 даляраў. Метр – 1 441 даляр.

Вуліца Сяліцкага (Заводскі раён)

Прадаецца кватэра на Сяліцкага, 97 – мікрараён Шабаны. Яна размяшчаецца ў дзявяціпавярховіку 1990 пабудовы. Агульная плошча кватэры – 33,8 м². Кухня займае 7,1 м².

У кватэры асобны жылы пакой. На падлозе тут ляжаць лінолеум і плітка. У аконных праёмах устаноўлены шклопакеты з профілем з ПВХ. У кватэры застаюцца пасля пакупкі кухонная мэбля з газавай плітой.

Санвузел тут паасобны. Таксама ёсць зашклёная лоджыя.

У крокавай даступнасці размешчаны дзіцячы садок, школа. У трох прыпынках знаходзіцца станцыя метро «Магілёўская».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]