Гомельскім сілавікам урэзалі фінансаванне

Пра гэта стала вядома з пастановы Галоўчанкі.

"Урад" Беларусі "ўдакладніў" некаторыя пункты "дзяржаўнай інвестыцыйнай праграмы" на 2024 год. Адпаведная пастанова за подпісам прэм'ер-міністра Рамана Галоўчанкі апублікаваная на Нацыянальным прававым партале, адзначае “Флагшток”.

Размова ідзе аб пераразмеркаванні сродкаў для ўнутраных войскаў МУС у рамках дзяржпраграмы "забеспячэнне правапарадку" на 2021-2025 гады. Пасля "ўдакладнення" саўміна сілавікі Гомельскай вобласці пазбавіліся 8 млн рублёў.

На 5 млн руб. менш атрымае гомельская вайсковая часць 5525 унутраных войскаў на рэканструкцыю аб'ектаў аўтапарка. Яшчэ на 3 млн рублёў урэзалі фінансаванне рэканструкцыі сталовай і інжынерных сетак у гэтай жа воінскай часці.

Атрымалася пераразмеркаванне сродкаў у рамках аднаго ведамства. І ў МУС, і ва ўнутраных войскаў сума засталася тая ж. Аднак "гомельскія" сродкі пераразмеркавалі Менску і Віцебскай вобласці. Вайсковай часці ў Віцебску дадалі 340 тысяч рублёў на будаўніцтва аўтамыйкі.

Самую ж вялікую суму – амаль 7,7 млн руб. - накіравалі на ўзвядзенне будынкаў і збудаванняў аўтамабільнага транспарту на вуліцы Маякоўскага ў Менску.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]