Лукашысты сваёй пастановай стварылі для беларусаў новую пенсійную пастку

Яны пакінулі людзей без грошай.

З 1 ліпеня пачне працаваць змена па выплаце пенсій: многія беларусы пазбавяцца магчымасці атрымліваць гэтыя грошы праз пошту. Такую магчымасць пакінуць толькі для некаторых катэгорый насельніцтва, а астатніх перавядуць на выдачу пенсій праз банкі, піша «Зеркало».

Каб прадоўжыць у ліпені атрымліваць гэтыя сродкі, да 21 чэрвеня трэба было адкрыць спецыяльны рахунак. У Мінпрацы расказалі, што будзе з выплатамі грошай тым, хто не паспеў гэта зрабіць.

Што зменіцца з 1 ліпеня?

З наступнага месяца многіх беларусаў перавядуць на атрыманне пенсій і дапамог на дзяцей праз банкі. Гэта закранае жыхароў Менска, а таксама гарадоў абласнога падпарадкавання і райцэнтраў. Выбраць фінустановы, праз якія магчыма будзе атрымліваць гэтыя сродкі, можна самастойна. Нагадаем, зараз беларусы на свой выбар могуць атрымліваць пенсіі і дапамогі на дзяцей праз пошту ці банкі.

Па-ранейшаму атрымліваць пенсіі праз пошту змогуць беларусы, старэйшыя за 70 гадоў, інваліды І і ІІ групы, а таксама жыхары сельскай мясцовасці.

Раней сацслужбы папярэджвалі: каб з ліпеня атрымліваць пенсію або дапамогі ў банку, трэба да 21 чэрвеня адкрыць базавы рахунак у адной з фінустаноў. Тым, хто не адкрые такі рахунак, прыпыняць выплату грошай.

Адкрыць базавыя рахункі можна ў тым ліку ў «Белаграпрамбанку», «Беларусбанку», «Банку БелЗЭБ», «Белгазпрамбанку», «Белінвестбанку», «Банку Дабрабыт», «Прыёрбанку» або «Сбер Банку».

Што зараз (не) кажуць у Мінпрацы?

Колькі беларусаў адкрылі базавыя рахункі ў банку для атрымання пенсій і дапамог? І што рабіць тым, хто не паспеў?

25 чэрвеня ў Мінпрацы «нагадалі», што пенсіянерам трэба «да 21 чэрвеня ўключна адкрыць базавы рахунак у адным з васьмі банкаў, напісаўшы там заяву аб пералічэнні сацыяльных выплат у банк».

«Колькі ўжо адкрылі? 95% грамадзян, якія падлягаюць пераводу, - адзначаюць у Мінпрацы. - Тыя, хто з якіх-небудзь прычын не змог адкрыць базавы рахунак у банку, без сацвыплат не застануцца. Кожны такі выпадак разглядаецца індывідуальна. Усе належныя выплаты дойдуць да сваіх атрымальнікаў абавязкова».

Пры гэтым у ведамстве не тлумачаць, як канкрэтна будуць выплачваць грошы людзям.

«Што рабіць тым, хто не паспеў? Астатнім 5% у далейшым усё адно трэба будзе адкрыць базавыя рахункі ў банку. Зрабіць гэта лёгка: неабходна ўзяць пашпарт або іншы дакумент, які сведчыць асобу, і прыйсці ў аддзяленне выбранага банка. Пасля гэтага больш нікуды хадзіць не трэба», - дадаюць у міністэрстве.

Раней міністр працы Наталля Паўлючэнка паведамляла, што агулам у краіне навіна па выплаце пенсій закранае амаль 90 тысяч чалавек. Атрымліваецца, што блізу 4500 чалавек не абзавяліся базавымі рахункамі ў банках.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]