WSJ: Усім стала відавочным уразлівае месца РФ

Пуцін больш не можа абараніць расейцаў.

Тэрарыстычная атака ў Дагестане выяўляе некаторыя са слабых месцаў у сістэме бяспекі Расеі ў глыбіні краіны, у той час як Крэмль засяроджаны на працягу вайны ва Украіне і на тым, каб прымусіць замаўчаць сваіх палітычных апанентаў у Маскве і Санкт-Пецярбургу.

Летась назіралася тэндэнцыя росту гвалту па ўсёй Расеі, якая падрывала сцвярджэнне Пуціна аб тым, што толькі ён можа засцерагчы краіну ад пагроз як знутры, так і звонку. Многія з гэтых выпадкаў звязаныя з даўняй напружанасцю ў дачыненнях паміж Масквой і мусульманскім насельніцтвам Цэнтральнай Азіі, паведамляе Эн М. Сіманс, кіраўнік маскоўскага бюро The Wall Street Journal.

Крытыкі ўрада кажуць, што ўлады накіроўваюць занадта шмат рэсурсаў на пераслед усіх, хто, на іх думку, можа пагражаць уладам Пуціна. Крэмль саджае ў турму сваіх апанентаў, не дае спакою прэсе і ўводзіць законы, накіраваныя на спыненне ўсяго, што можа быць расцэненае як крытыка вайны ва Украіне. Аналітыкі гавораць, што расейскі ўрад настойліва ўзнімае пытанні тэрарызму, каб апраўдаць свае рэпрэсіі, але неаднаразова не заўважаў рэальных тэрарыстычных пагроз.

Той факт, што інцыдэнты «паўтараюцца зноў і зноў, азначае, што ўрокі, якія не былі засвоеныя» ні Крамлём, ні федэральнымі службамі бяспекі, мяркуе Мікалай Пятроў, кансультант праграмы «Расея і Еўразія» брытанскага аналітычнага цэнтра Chatham House. Замест гэтага расейскія ўлады спрабуюць перакласці віну за недахопы ўнутранай бяспекі на Украіну і Захад.

На меркаванні аналітыкаў, знаёмых з працай расейскай прапагандысцкай машыны, большасць расейцаў падтрымліваюць рыторыку аб тым, што кожныя напады, з якімі сутыкаецца краіна, з'яўляюцца віной Кіева і яго прыхільнікаў. Старэйшы навуковы супрацоўнік Расейска-Еўразійскага цэнтра Карнэгі Андрэй Калеснікаў кажа, што «пасіўная большасць» не жадае задумвацца аб рэальнай крыніцы тэрарыстычных нападаў на сваю краіну, і расейскае кіраўніцтва ведае пра гэта. У выніку «такое абвінавачанне Украіны і Захаду становіцца сацыяльнай нормай», сказаў ён.

Акрамя таго, улады асабліва імкнуцца пазбегнуць усякіх меркаванняў, што ўнутры Расеі можа існаваць міжэтнічная ці рэлігійная напружанасць. Пуцін часта ўсхваляе этнічную і рэлігійную разнастайнасць краіны.

Расейскі лідар не будзе звяртацца да нацыі пасля тэракту 23 чэрвеня, паведаміў журналістам прэс-сакратар Пуціна. Замест гэтага Пяскоў сказаў, што Крэмль будзе чакаць, пакуль следчыя органы скончаць сваю працу, «і тады мы зможам зрабіць нейкія высновы», дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]