«Сябрук» Вучыч наторкаў нажоў у спіну Пуціна

Расейскія прапагандысты не туды глядзелі.

У скарбонку «вялікага геастратэга» Пуціна - магчымыя пастаўкі ва Украіну смяротнай паўднёвакарэйскай зброі. Сеул раззлавала падпісанне ўсёабдымнай дамовы паміж Масквой і Пхеньянам, якое тычыцца ў першую чаргу вайсковай дапамогі.

Са слоў начальніка ўправы нацыянальнай бяспекі адміністрацыі прэзідэнта Рэспублікі Карэя Чан Хо Чжына, калі Расея перадасць КНДР сучасныя вайсковыя тэхналогіі (а яна перадасць), то Сеул не будзе прытрымлівацца нейкіх абмежаванняў па пастаўках зброі Кіеву. УСУ вельмі дапамогуць іх комплексы СПА і артылерыйскія набоі.

Як і сербскія боепрыпасы прыкладна на 800 млн еўраў, якія з пачатку «СВА» паступалі ва Украіну праз заходнія краіны. «Сябрук» Вучыч прызнаў гэты факт і сказаў, што гэта проста бізнэс, і ўвогуле, «не яго праца адсочваць», куды ідзе сербскае ўзбраенне.

Пакуль прапаганда млее ад сербскіх футбольных заўзятараў, якія скандуюць на Еўра імя Пуціна, Вучыч натыкаў нажоў іх куміру.

Тэлеграм-канал «День опричника»