ЗША, Паўднёвая Карэя і Японія адказалі на візіт Пуціна ў КНДР

І звярнуліся да Пхеньяну.

ЗША, Паўднёвая Карэя і Японія асудзілі паглыбленне вайсковага супрацоўніцтва паміж КНДР і Расеяй, сярод іншага пастаўкі зброі з Паўночнай Карэі ў РФ.

Пра гэта гаворыцца ў супольнай заяве трох краін, піша New Voice.

Адзначаецца, што падпісанне КНДР і Расеяй Дамовы аб усёабдымным стратэгічным партнёрстве падчас візіту расейскага дыктатара Пуціна ў Пхеньян 19 чэрвеня сведчыць аб узмацненні вайсковага супрацоўніцтва.

У заяве гаворыцца, што гэтая дамова «павінна выклікаць сур'ёзную асцярогу ва ўсіх, хто зацікаўлены ў захаванні міру і стабільнасці на Карэйскай паўвыспе, падтрымцы глабальнага рэжыму нераспаўсюджвання ядзернай зброі, а таксама ў падтрымцы народа Украіны» ў яго барацьбе супраць РФ.

Акрамя таго, тры краіны пацвердзілі свой намер і надалей умацоўваць дыпламатычнае супрацоўніцтва і супрацоўніцтва ў галіне бяспекі, каб супрацьстаяць пагрозам, якія мае КНДР.

Таксама ЗША пацвердзілі свае абавязацельствы для абароны Паўднёвай Карэі і Японіі.

"ЗША, РК і Японія таксама пацвярджаюць, што шлях да дыялогу застаецца адкрытым, і заклікаюць КНДР спыніць далейшыя правакацыі і вярнуцца да перамоў", - дадалі ў супольнай заяве.