У Дагестане ўвялі рэжым контртэрарыстычнай аперацыі

Невядомыя абстралялі сінагогу, царкву і пост ДПС.

На фоне нападаў у Махачкале і Дэрбэнце ў Дагестане ўведзены рэжым контртэрарыстычнай аперацыі, паведамілі ў Нацыянальным антытэрарыстычным камітэце.

"У мэтах гарантавання бяспекі грамадзян, спынення злачынстваў тэрарыстычнай накіраванасці і затрымання асоб, якія маюць дачыненне да ўзброенага нападу, начальнікам Управы ФСБ Расеі ў Рэспубліцы Дагестан прынятая пастанова аб правядзенні контртэрарыстычнай аперацыі і ўвядзенні прававога рэжыму КТА", — адзначылі ў службе.