4-разовага чэмпіёна свету ў баявым самба з Расеі накаўтавалі ў першым жа раундзе
- 23.06.2024, 14:02
- 12,974
![4-разовага чэмпіёна свету ў баявым самба з Расеі накаўтавалі ў першым жа раундзе](https://i.c97.org/ai/600069/aux-head-1719137439-20240623_aliskerov_360.jpg)
Відэафакт.
Расейскі баец Абсалютнага байцоўскага чэмпіянату (UFC) Ікрам Аліскораў (15-2) пацярпеў разгромнае паражэнне на турніры UFC on ABC 6 у Эр-Рыядзе (Савудаўская Арабія). 31-гадовы ўраджэнец Касумкента (сяло ў Дагестане), які з'яўляецца чатырохразовым чэмпіёнам свету ў баявым самба і двухразовым чэмпіёнам Еўропы, без шанцаў уляцеў накаўтам аўстралійцу Роберту Уітакеру (26-7).
![](https://i.c97.org/ai/600069/aux-1719137346-gettyimages-2158779650-594x594.jpg)
5-раундавы паядынак у сярэдняй вазе стаўся вельмі хуткаплынным. З першых хвілін былы чэмпіён цалкам дамінаваў у актагоне, штораз прабіваючы абарону расейца.
Развязка наступіла праз паўтары хвіліны першага раунда. Уітакеру ўдаўся магутны правы прамой, які прыкметна пахіснуў Аліскерава.
![](https://i.c97.org/ai/600069/aux-1719137346-gettyimages-2158779747.jpg)
33-аўстраліец кінуўся на дабіванне і магутным аперкотам адправіў апанента на канвас.
Першапачаткова Уітакер павінен быў сысціся з чачэнскім байцом Хамзатам Чымаевым, які прадстаўляе ААЭ. Але Чымаеў патрапіў у лякарню, таму UFC замяніў яго Аліскеравым.