МЗС В'етнама пасля візіту Пуціна назвала ЗША стратэгічным партнёрам

Гэта правал.

В'етнам уважае ЗША стратэгічным партнёрам і падтрымлівае ўмацаванне супрацоўніцтва Злучаных Штатаў з краінамі Паўднёва-Усходняй Азіі, што паспрыяе «міру, стабільнасці і развіццю ў рэгіёне і ва ўсім свеце», заявіў кіраўнік в'етнамскага МЗС Буй Тхань Шон, піша РБК.

22 чэрвеня ён сустрэўся з памочнікам дзяржсакратара ЗША ў справах Усходняй Азіі і Ціхага акіяна Дэніелам Крытэнбрынкам. Міністр паведаміў, што Ханой гатовы развіваць стратэгічнае партнёрства з Вашынгтонам «на аснове павагі незалежнасці, суверэнітэту, тэрытарыяльнай цэласнасці і палітычных інстытутаў адзін аднаго, што адпавядае інтарэсам народаў абедзвюх краін».

Крытэнбрынк, са свайго боку, сказаў, што ЗША адданыя падтрымцы «моцнага, незалежнага, самастойнага і квітнеючага В'етнама», бо «паспяховы В'етнам адпавядае нацыянальным інтарэсам Амерыкі». Са слоў памочніка дзяржсакратара, амерыкана-в'етнамскія дачыненні «ніколі не былі мацнейшымі, чым цяпер», дзве краіны супрацоўнічаюць практычна ва ўсіх галінах: ад эканомікі, гандлю і інвестыцый да бяспекі.

Памочнік дзяржсакратара быў паслом ЗША ў В'етнаме з 2017 да 2021 года. Яго візіт у В'етнам 21-22 чэрвеня прайшоў неўзабаве пасля двухдзённай паездкі ў гэтую краіну Уладзіміра Пуціна 19-20 чэрвеня. Па яе выніках Масква і Ханой дамовіліся ўмацоўваць усёабдымнае стратэгічнае партнёрства і не далучацца да саюзаў з трэцімі краінамі на шкоду адзін аднаму.