Румынія перамагла Украіну ў першым матчы Еўра-2024

3:0.

Каманда Украіны пацярпела значную паразу на старце чэмпіянату Еўропы ў футболе, саступіўшы ў Мюнхене румынам.

Матч першага тура групы E закончыўся з лікам 3:0.

Першы гол украінцы прапусцілі на 29-й хвіліне - Андрэй Лунін выбіў мяч на Дэніса Мана, які адпасаваў Мікалаю Станчу, а той прабіў здалёк у дзявятку.

На 53-й хвіліне ў румынскай каманды вызначыўся Рэзван Марын, які забіў з-за межаў штрафной.

На 57-й хвіліне Дзяніс Дрэгуш з перадачы Мана давёў лік да разгромнага, атрымаўшы мяч перад пустой брамай.

Румынія атрымала толькі другую перамогу на Еўра пры 17 згуляных матчах. Перад сустрэчай з Украінай у румынаў быў найгоршы адсотак перамог сярод каманд, якія ўдзельнічалі ў Еўра хаця б два разы.

Украіна яшчэ ні разу не гуляла на нуль на Еўра.

У наступным туры ўкраінцы сустрэнуцца са славакамі 21 чэрвеня ў Дзюсельдорфе, а румыны - з бэльгійцамі 22 чэрвеня ў Кёльне.

Каманда Румыніі ўзначаліла турнірную табліцу групы E з трыма баламі. Славаччына і Бэльгія, якія выступаюць у гэтым квартэце, згуляюць паміж сабой пазней у панядзелак (пачатак а 19:00 па Менску). У плей-оф трапяць па дзве найлепшыя каманды з кожнай групы, а таксама чатыры найлепшыя каманды сярод тых, хто заняў трэція радкі.