Палачанін прапанаваў сяброўцы кінуць нож яму ў жывот

Што было далей?

У Полацку двое мужчын надумалі правесці вечар з алкаголем у кампаніі дзвюх сябровак. Падчас вечарынкі яны надумалі пацешыцца гульнёй у дартс. Набору для гульні не знайшлося, таму кампанія пачала выкарыстоўваць апрацоўчую дошку і сцізорык, паведамілі ў міліцыі.

Неўзабаве ўладальніку кватэры гэта падалося сумным, і ён прапанаваў больш экстрэмальную гульню. Мужчына прапанаваў адной са знаёмых кінуць нож у ягоны жывот. Пасля некалькіх няўдалых спроб узнік канфлікт, падчас якога жанчына ўзяла нож і ўбіла яго ў жывот гаспадару.

Аб стане пацярпелага мужчыны інфармацыя не выдаецца, тым не менш у дачыненні да жанчыны была распачатая крымінальная справа.