SIPRI: Няма довадаў размяшчэння ў Беларусі ядзернай зброі Расеіі
15- 17.06.2024, 12:04
- 4,842
Толькі публічныя заявы.
Эксперты Стакгольмскага міжнароднага інстытута даследавання праблем міру (SIPRI) заяўляюць аб адсутнасці «пераканаўчых візуальных довадаў» размяшчэння тактычных ядзерных боегаловак РФ у Беларусі.
На ацэнкі экспертаў, памеры вайсковых запасаў ядзернай зброі Расеі і ЗША, на якія агулам прыпадае амаль 90% сусветнага ядзернага арсенала, засталіся адносна стабільнымі ў 2023 годзе. Аднак у Расеі, паводле падлікаў SIPRI, да пачатку 2024 года было размешчана прыкладна на 36 боегаловак больш, чым годам раней.
«Характэрна, што ў 2023 годзе было зроблена некалькі публічных заяў аб тым, што Расея размясціла ядзерную зброю на тэрыторыі Беларусі, хоць пераканаўчых візуальных довадаў таго, што фактычнае размяшчэнне боегаловак мела месца, няма», - паведамілі эксперты.