У Нямеччыне знайшлі старажытны рукапіс з апісаннем дзяцінства Ісуса
6- 15.06.2024, 21:03
- 10,200
![У Нямеччыне знайшлі старажытны рукапіс з апісаннем дзяцінства Ісуса](https://i.c97.org/ai/274979/aux-head-1515324513-20180107_jupiter_360.jpg)
Манускрыпт быў створаны 1600 год таму.
Cтаражытны рукапіс з апісаннем дзяцінства Ісуса выяўлены ў Нямеччыне. Аб гэтым паведамляе Arkeonews.
Манускрыпт быў створаны 1600 год таму, паказала даследаванне. Ён уяўляе сабой самую раннюю захаваную копію Евангелля ад Тамаша. У ім расказваюцца эпізоды з дзяцінства Ісуса, напрыклад, ператварэння гліняных фігурак у жывых птушак. Да гэтага часу лічылася, што самай ранняй версіяй гэтага Евангелля быў рукапіс XI стагоддзя.
На працягу дзесяцігоддзяў фрагмент папірусу захоўваўся ў Гамбургскай дзяржаўнай і ўніверсітэцкай бібліятэцы. Лічылася, што дакумент мог быць лістом або спісам пакупак на грэцкай мове. У новым даследаванні навукоўцы расшыфравалі надпісы (13 радкоў, у кожным з якіх захавалася прыкладна 10 літар) і параўналі іх з іншымі раннімі хрысціянскімі тэкстамі. Мяркуючы па неакуратным почырку, манускрыпт мог быць створаны вучнем школы або пачаткоўцам манахам.
«Спачатку мы заўважылі слова «Ісус» у тэксце. Затым, параўноўваючы яго з мноствам іншых аблічбаваных папірусаў, мы расшыфравалі яго і хутка зразумелі, што гэта не можа быць паўсядзённым дакументам», – распавялі навукоўцы.