Bloomberg: G7 рыхтуе новыя захады супраць ценевага флоту РФ

Падрабязнасці.

Удзельнікі саміту G7 унясуць у камюніке заявы пра ўзмоцненую імплементацыю столі коштаў нафты, а таксама захады супраць новых энэргетычных праектаў Крамля і экспарту металаў.

Пра гэта піша Bloomberg са спасылкай на праект дакумента.

«Мы прадоўжым чыніць значны ціск на расейскія прыбыткі ад энэрганосьбітаў і іншых сыравінных тавараў», – гаворыцца ў заяве, якая, як чакаецца, будзе апублікаваная ў пятніцу.

Абмежаванне коштаў G-7 расейскай нафты і нафтапрадуктаў забараняе заходнім караблеўладальнікам, страхоўшчыкам і пасярэднікам прапаноўваць караблі і паслугі для грузаў, кошт якіх перавышае ўсталяваныя парогі.

Хоць абмежаванні выклікалі адмову ад заходняга страхавання і запатрабаванне ў альтэрнатывах, Масква змагла абысці значную частку наступстваў, сабраўшы флот танкераў, што працуюць у юрысдыкцыях, якія цяжка адсачыць, і звярнуўшыся да незаходніх пастаўшчыкоў паслуг для транспартавання сваіх бараляў на новыя рынкі, напрыклад у Індыю.

ЗША, Вялікая Брытанія і ЕЗ нядаўна пачалі ўжываць санкцыі да караблёў, якія ўдзельнічаюць у гэтых перавозках.

«G-7 будзе ўжываць захады, у тым ліку санкцыі і інавацыйныя праваахоўныя захады з выкарыстаннем адпаведных геаграфічных рэгіёнаў, для барацьбы з ужываннем Расеяй падманных альтэрнатыўных метадаў транспартавання ў абыход нашых санкцый з дапамогай свайго ценевага флоту», – гаворыцца ў заяве.

Лідары G-7 таксама абавязваюцца рабіць больш для таго, каб перашкаджаць «развіццю будучых энэргетычных праектаў і парушаць доступ да тавараў і паслуг, на якія гэтыя праекты спадзяюцца», і будуць прадаўжаць памяншаць прыбыткі Расеі ад металаў.

Напярэдадні чалец «сямёркі» Вялікая Брытанія ўжо абвесціла пра пашырэнне санкцыйнага спісу на 50 пазіцый, «уключаючы караблі ценевага флоту, ключавых удзельнікаў расейскай фінансавай сістэмы і пастаўшчыкоў ВПК».