У Маскве дагарае вядучае прадпрыемства распрацоўкі авіятэхнікі: у бюро «Сухога» абрынуўся дах

Канструктарскае бюро стварала звышсучасныя самалёты для войска РФ.

У сталіцы РФ Маскве адбыўся пажар у будынку доследна-канструктарскага бюро "Сухога" (ДКБ "Сухога"). З-за моцнага агню абрынуўся дах.

Пра гэта паведамляе РБК-Украіна са спасылкай на расейскія СМІ і Telegram-канал МНС РФ.

Спачатку ў расейскім міністэрстве расказвалі, што плошча пажару складала 400 квадратных метраў, затым заявілі аб лакалізацыі пажару, але пазней у МНС сказалі, што паводле ўдакладненай інфармацыі, палае ўжо 800 “квадратаў”.

Характэрна, што ў расейскім МНС не гавораць аб пажары менавіта на ДКБ “Сухога”, а паведамляюць, што “гарыць неэксплутаваны будынак” на паўночным захадзе Масквы.

Разам з тым на апублікаваных міністэрствам кадрах, а таксама відэа з расейскіх СМІ і Telegram-каналаў, бачна, што гарыць будынак менавіта гэтага прадпрыемства, якое лічыцца адным з вядучых у краіне-агрэсарцы ў распрацоўцы авіяцыйнай тэхнікі.

“На паўночным захадзе Масквы гарыць канструктарскае бюро ДКБ «Сухога». Увесь дым здзімае ветрам на Боткінскую лякарню”, - піша “Масквач”.

Мясцовы жыхар зафіксаваў на відэа маштабны пажар паміж жылымі дамамі. Прыкметна адкрытыя языкі полымя, воблака дыму, чутны трэск. Пры гэтым побач няма ніводнай пажарнай машыны і пажарных, якія тушаць узгаранне. Таксама заўважаюць, што дым нясе на будынак Боткінскай лякарні, а масквічы з навакольных дамоў адчуваюць смурод дыму.

Дадамо, гэта бюро ўваходзіць у авіяцыйны холдынг ААТ «Кампанія «Сухі».

Згодна з заявай МНС РФ, пажар спрабуюць патушыць больш за 70 пажарных, таксама на месцы прыцягнуты 25 адзінак тэхнікі.