У Магілёве раскрылі злачынства, учыненае 24 гады таму

Фігурантам пагражае найвышэйшая мера пакарання.

У чэрвені 2000 года ў цэнтры Магілёва знайшлі цела 28-гадовай дзяўчыны з прыкметамі гвалтоўнай смерці. Праз 24 гады аператыўнікі ўстанавілі падазраваных у яе гібелі, паведамляе прэс-служба МУС.

У дзень сваёй гібелі 28-гадовая мясцовая жыхарка ўночы вярталася ад сяброўкі, аднак дамоў не дайшла. Яе цела без адзення знайшлі ў яры каля дамоў. Па факце забойства, учыненага з асаблівай жорсткасцю, была распачатая крымінальная справа.

«Нядаўна супрацоўнікі крымінальнага вышуку ўстанавілі падазраваных. У тую ноч двое магілёўцам, якім было 22 і 25 гадоў, напалі на прахожую, абрабавалі, збілі і згвалтавалі яе, пасля чаго схаваліся», - распавялі сілавікі.

Працягваюцца аператыўныя мерапрыемствы і следчыя дзеянні, праводзіцца шэраг экспэртыз для ўстанаўлення ўсіх абставін здарэння.

Фігурантам пагражае найвышэйшая мера пакарання.