20 лiпеня 2024, Субота, 2:35
Падтрымайце
сайт
Сім сім,
Хартыя 97!
Рубрыкі

На Алтаі згарэла рэзідэнцыя Пуціна

23
На Алтаі згарэла рэзідэнцыя Пуціна

Там таксама знаходзіцца адзін з бункераў расейскага дыктатара.

У неафіцыйнай рэзідэнцыі расейскага дыктатара Уладзіміра Пуціна, якая знаходзіцца на Алтаі, быў пажар.

Пра гэта паведамляе Charter97.org са спасылкай на «Сірэну» ў Telegram.

Як адзначае выданне, адзін з будынкаў амаль поўнасцю згарэў у выніку пажару.

На фота, якое апублікавала «Сірэна», можна заўважыць, як моцны агонь ахапіў будынак на тэрыторыі рэзідэнцыі дыктатара.

Журналісты ўдакладняюць, што рэзідэнцыю замаскавалі пад санаторна-курортны комплекс «Алтайскі падворак», які належыць «Газпраму». Упершыню інфармацыя пра засакрэчаную будоўлю «санаторыя» з'явілася ў 2010 годзе.

У «Газпраме» гаварылі, што «санаторый» неабходны для «правядзення сустрэчаў з справавымі партнёрамі, карпаратыўных мерапрыемстваў і прыёму замежных гасцей».

Мясцовыя расейскія апазіцыянеры неаднаразова заяўлялі пра сувязь гэтага комплексу з кіраўніком Крамля.

У СМІ таксама з'яўлялася інфармацыя, што там знаходзіцца адзін з бункераў Пуціна, куды ён мог прылятаць падчас пандэміі COVID.

Напісаць каментар 23

Таксама сачыце за акаўнтамі Charter97.org у сацыяльных сетках