ЗША дазволілі Украіне выкарыстоўваць свае Patriot для знішчэння цэляў над Расеяй
13- 30.05.2024, 15:53
- 17,430
![ЗША дазволілі Украіне выкарыстоўваць свае Patriot для знішчэння цэляў над Расеяй](https://i.c97.org/ai/544834/aux-head-1681902335-20230419_patriot_360.jpg)
Цяпер УСУ могуць збіваць і самалёты, і ракеты.
ЗША дазваляюць украінскаму войску выкарыстоўваць амерыканскія сродкі СПА, сістэмы Patirot, для знішчэння цэляў над тэрыторыяй Расеі, калі яны пагражаюць Украіне.
Як піша The Washington Post са спасылкай на чыноўніка Белага дома, Украіна "не мае ніякіх абмежаванняў" на выкарыстанне сродкаў СПА, выдадзеных ЗША, каб збіваць расейскія ракеты або знішчальнікі над тэрыторыяй Расеі, "калі яны нясуць пагрозу для Украіны".
"Няма ніякіх абмежаванняў на выкарыстанне Украінай сродкаў супрацьпаветранай абароны, выдадзеных ЗША, для збівання расейскіх ракет або знішчальнікаў над тэрыторыяй Расеі, калі яны маюць пагрозу для Украіны", – сказаў амерыканскі чыноўнік на ўмовах ананімнасці.