У Гародні нечакана з'явіліся «калібры»
5- 30.05.2024, 14:43
- 9,274
![У Гародні нечакана з'явіліся «калібры»](https://i.c97.org/ai/382925/aux-head-1592576221-20200619_kolibri_360.jpg)
Спецыялісты растлумачылі цуд.
Жыхар Гародні Ігар падчас шпацыру па горадзе зняў на відэа, як яму падалося, даволі рэдкую для Беларусі птушку. Спрытная, маленькая, завісае ў паветры як гелікаптэр - быццам бы ўсё пасуе пад апісанне калібры. Ролік хутка набраў больш за паўмільёна праглядаў, але арнітолагі, энтамолагі і простыя агароднікі ўжо спяшаюцца вас расчараваць, піша Onliner.
На відэа напраўду матылёк сямейства бражнікаў, хутчэй за ўсё, языкан. Некаторыя падобныя асобіны вырастаюць да дастатковых памераў, каб іх можна было зблытаць з птушкай, а манера перасоўвання, характэрная хабаток-«дзюба» і здольнасць завісаць у паветры сапраўды родніць іх з калібры.
Некаторыя спецыялісты тлумачаць, што з прыкметных візуальных адрозненняў у калібры і языкуна толькі наяўнасць вусікаў, так што пераблытаць іх сапраўды лёгка.
@igor_fishing_belarus а вы знали)? #беларусь #гродно #колибри#рекомендации ♬ оригинальный звук - igor
Што і адбываецца плюс-мінус штогод з недасведчанымі гарадскімі жыхарамі.
Вось як раней каментавала такі выпадак спецыялістка Акадэміі навук Кацярына Сетракова:
- На вочы гэты матылёк трапляецца не ўсім, таму многія так і рэагуюць, калі ўпершыню яго бачаць. Яго можна сустрэць па ўсёй краіне, але шанцуе далёка не кожнаму. Як правіла, гэтую кузурка складана заўважыць: матыль мае не вельмі яркую афарбоўку і дасягае невялікіх памераў (у параўнанні з іншымі бражнікамі), паводзіць сябе як калібры, гэта значыць не садзіцца на кветкі і не дае магчымасці сябе разгледзець.