У Менску варона атакавала дзяўчыну і параніла яе да крыві
37- 30.05.2024, 12:18
- 13,088
![У Менску варона атакавала дзяўчыну і параніла яе да крыві](https://i.c97.org/ai/597012/aux-head-1717060701-20240530_vorona_minsk_360.jpg)
Інцыдэнт патрапіў на відэа.
Менчукі скардзяцца на варон - птушкі нападаюць на мінакоў. Адзін такі інцыдэнт патрапіў на відэа.
Дзяўчына ішла па вуліцы, калі на яе спікіравала птушка. Не абмежаваўшыся адной атакай, птушка пайшла на другі заход.
Пазней ахвяра варонінай агрэсіі расказала, што птушка параніла ёй галаву да крыві.
Нагадаем, раней арнітолагі распавялі аб тым, што ў сярэдзіне траўня і чэрвені ў шэрых варон птушаняты пачынаюць выскокваць з гнязда. Птушаняты хаваюцца ў траве, а бацькі часам іх самаахвярна абараняюць.
Калі варона параніла чалавека, то раны трэба апрацаваць перакісам вадароду, ёдам ці іншымі вядомымі ўсім сродкамі.