У Лідзе ўспыхнуў рэзервуар з нафтапрадуктамі
2- 30.05.2024, 10:52
- 4,736
![У Лідзе ўспыхнуў рэзервуар з нафтапрадуктамі](https://i.c97.org/ai/596994/aux-head-1717055485-20240326_foto2_360.jpg)
На месца адправілі 12 пажарных разлікаў.
Пажар рэзервуара нафтапрадуктаў здарыўся ў Лідзе раніцай у чацвер. Ратавальнікаў выклікалі на праспект Перамогі а 9.06.
Як паведаміла прэс-служба МНС, пры правядзенні ачысткі рэзервуара і падрыхтоўкі яго да дыягностыкі адбылася ўспышка і загаранне пары бензіну. На месца былі накіраваны 12 пажарных разлікаў, аднак пажарная каманда аб'екта змагла самастойна справіцца з узгараннем.
Работнікі МНС, якія прыбылі на месца, забяспечылі ахаладжэнне ёмістасці, каб не дапусціць паўторнага ўзгарання.
«Агнём пашкоджана лакафарбавае пакрыццё на вонкавай сценцы рэзервуара. Людзі не пацярпелі. Прычыну здарэння трэба выявіць спецыялістам», - распавялі ў МНС.
![](https://i.c97.org/ai/596994/aux-1717055492-1.jpg)