Беларусам прапанавалі прадуктовую «торбачку трактарыста»
25- 29.05.2024, 21:39
- 17,316
![Беларусам прапанавалі прадуктовую «торбачку трактарыста»](https://i.c97.org/ai/596948/aux-head-1717007913-20240101_flik_360.jpg)
Менскі трактарны завод не перастае здзіўляць завадчанаў і фанатаў сваёй прадукцыі.
Зусім нядаўна ў Беларусі з'явілася новая каўбаса ад МТЗ, але высветлілася, што гэта толькі частка нечаканкі.
З 30 траўня ў Менску можна будзе набыць смачны набор ад трактарыстаў, яшчэ і ў брэндаванай упакоўцы.
У продажы абяцаюць «торбачку трактарыста» ад BELARUS TRACTORS.
![](https://i.c97.org/ai/596948/aux-1717007921-1.jpg)
Унутры прыгожай торбы сыравяленая каўбаса «Балканская», сала «Беларускае», рыбныя кансервы «Фарэль натуральная», кансервы мясныя кавалкавыя «Ялавічына тушаная», булка «Завадская», цыбуля рэпчатая.
![](https://i.c97.org/ai/596948/aux-1717007921-2.jpg)
І сёе-тое яшчэ – фінальны кампанент пакуль трымаюць у таямніцы. Аднак на адной з фатаграфій ёсць спойлер – відаць рыльца бутэлькі з акцызам на ім.
Вядомае не толькі напаўненне (а агульная вага «торбачкі» дасягае 3 кг), але і кошт такога набору. Паводле інфармацыі МТЗ, яго кошт блізу Br80.
Падпісчыкі афіцыйнага Telegram-канала прадпрыемства рэагуюць на допіс пазітыўна.
![](https://i.c97.org/ai/596948/aux-1717007921-3.jpg)
А ў каментарах можна ўбачыць, што інтрыга нікога не пакідае абыякавым (арфаграфія і пунктуацыя аўтара захаваныя):
![](https://i.c97.org/ai/596948/aux-1717007921-4.jpg)
«У падарунак проста супер!!! Я так разумею тое-сёе таксама брэндаванае???»
Навінку чакаюць у краме «Кулінарыя №1» камбіната грамадскага харчавання МТЗ на адрасе вул. Будзённага, 11.
Дарэчы, «торбачку» можна будзе як набыць цалкам, так і сабраць толькі самае неабходнае на свой густ.
Нядаўна МТЗ супольна з мясакамбінатам «Пухавічымясапрадукт» выпусціў сыравяленую каўбасу. У складзе – свініна і ялавічына. Паведамлялася, што каўбаса з'явіцца ва ўсіх пунктах камбіната грамадскага харчавання прадпрыемства.