ААН возьме ўдзел у канферэнцыі пра Украіну ў Швэйцарыі
10- 29.05.2024, 21:19
- 2,322
![ААН возьме ўдзел у канферэнцыі пра Украіну ў Швэйцарыі](https://i.c97.org/p/articles/ai-160403-aux-head-OON_360.jpg)
У якасці назіральніцы.
ААН возьме ўдзел у канферэнцыі пра Украіну ў Швэйцарыі ў якасці назіральніцы, заявіў прадстаўнік генеральнага сакратара арганізацыі Антоніу Гутэрыша Стэфан Дзюжарык.
«ААН – назіральніца. Мы будзем прадстаўленыя дакладна. Пра ўзровень прадстаўленасці я вам паведамлю, як толькі змагу», – сказаў ён.
Саміт пройдзе 15–16 чэрвеня ў швэйцарскім Бюргенштоку. На канферэнцыю запрасілі дэлегацыі 160 краінаў. У іх лік не ўвайшла Расея, паколькі «на гэтым этапе» яе ўдзел не патрэбны, тлумачылі ў МЗС Швэйцарыі.