Швэцыя перадасць Украіне два самалёты ASC 890
7- 29.05.2024, 19:01
- 9,340
![Швэцыя перадасць Украіне два самалёты ASC 890](https://i.c97.org/ai/596932/aux-head-1716998503-20240101_kompani_360.jpg)
Яны могуць быць скарыстаныя для выяўлення беспілотнікаў, ракет і самалётаў.
У найбуйнейшы пакет вайсковай дапамогі Украіне, пра які 29 траўня абвясціла Швэцыя, увайшлі два самалёты ASC 890 кампаніі Saab AB з радарамі Erieye, якія могуць быць выкарыстаныя для выяўлення беспілотнікаў, ракет і самалётаў, а таксама марскіх цэляў. Пра гэта на прэс-канферэнцыі ў Стакгольме паведаміў міністр абароны Швэцыі Пол Юнсан, яго цытуе Bloomberg.
«ASC 890 дасць Украіне новыя магчымасці ў барацьбе з паветранымі і марскімі цэлямі. Будзе ўзмоцнены патэнцыял Украіны для выяўлення цэляў на вялікай далёкасці. Яны будуць дзейнічаць у якасці ўзмацнення сіл, калі на ўзбраенне паступяць F-16», - падкрэсліў Юнсан у Х.
Just announced: Sweden will donate a new military capability to strengthen Ukraine’s air defence. Package 16 will be the largest 🇸🇪 military aid package yet at €1,16bln. Sweden will donate Airborne Surveillance and Control aircraft (ASC 890) to 🇺🇦. (1/6) pic.twitter.com/iRqGeQE9oJ
— Pål Jonson (@PlJonson) May 29, 2024
Як адзначыла Bloomberg, зона эфектыўнага назірання Erieye складае больш за 500 тыс. км² і дапамагае выяўляць і адсочваць знішчальнікі, гелікаптэры і крылатыя ракеты.
Швэцыя таксама разглядала магчымасць перадачы Украіне знішчальнікаў Gripen, аднак 28 траўня Юнсан паведаміў, што краіна прыпыняе абмеркаванне гэтага пытання. Ён распавёў, што краіны кааліцыі, якія плануюць даць Украіне знішчальнікі F-16 амерыканскай вытворчасці, заклікалі Швэцыю пачакаць з сістэмай Gripen.