Rzeczpospolita: Лукашэнка баіцца адказу Украіны

Цэлямі УСУ могуць стаць вайсковыя аб'екты пад Баранавічамі і Вілейкай.

Пуцін хоча прымусіць Лукашэнку больш актыўна ўдзельнічаць у вайне супраць Украіны. Пра гэта гаворыцца ў артыкуле папулярнага польскага выдання «Rzeczpospolita» (пераклад з польскага - сайт Charter97.org).

«Беларусь валодае вельмі развітой супрацьпаветранай абаронай, і я не выключаю, што Пуціну патрэбная падтрымка Менска для прыкрыцця найбліжэйшых Бранскай і Курскай абласцей. Таму што расейская супрацьпаветраная абарона дзіравая», - заявіў выданню Аляксей Мельнік, украінскі эксперт у міжнароднай бяспецы з кіеўскага Цэнтра Разумкова.

Лукашэнка ўжо аднойчы здрадзіў Украіне, і больш яму ніхто не давярае. Таму на мяжы з Беларуссю дыслакуюцца сур'ёзныя сілы ўкраінскага войска, пабудаваныя абарончыя ўмацаванні.

«У 2022 годзе, калі з тэрыторыі Беларусі ўварваліся расейцы і адтуль паляцелі ракеты, Украіна прыняла палітычную пастанову не наносіць удары па рэжыме Лукашэнкі, каб не даваць яму падстаў для ўдзелу свайго войска ў гэтай вайне. На гэты раз, пасля двух гадоў вайны, адказ Кіева мог быць зусім іншым. Украіна дэманструе ўсё больш радыкальны падыход, у тым ліку ўдары па тэрыторыі Расеі», - кажа ён.

Украінскія баявыя беспілотнікі даляцелі да шматлікіх нафтаперапрацоўчых заводаў у глыбіні Расеі. А нядаўна яны атакавалі расейскую радыёлакацыйную станцыю вялікай далёкасці «Варонеж М», размешчаную ў Орску (Арэнбуржская вобласць). Гэта больш за 1800 кіламетраў ад украінска-расейскай мяжы.

Аналагічная расейская станцыя «Волга» знаходзіцца пад беларускімі Баранавічамі (гэта ўсяго ў 120 км ад украінскай мяжы). Пад Вілейкай (менш за 300 км ад мяжы з Украінай) з савецкіх часоў знаходзіцца расейская база сувязі «Антэй», з дапамогай якой камандаванне ВМФ Расеі злучаецца з падводнымі караблямі ў Атлантычным, Ціхім і Індыйскім акіянах.

Лукашэнка, гледзячы на мапу нафтаперапрацоўчых заводаў, якія гараць у Расеі, не можа не ўлічваць той факт, што ўсяго за 40 кіламетраў ад мяжы з Украінай, у Мазыры, знаходзіцца адзін з двух яго нафтаперапрацоўчых заводаў, якія забяспечваюць беларусаў палівам. Акрамя таго, большасць прадпрыемстваў беларускай абароннай прамысловасці апынуцца ў зоне дзеяння ўкраінскіх беспілотнікаў і ракет, якія мае Кіеў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]