Туск: Польшча вяртае 200-метровую буферную зону на мяжы з Беларуссю
1- 29.05.2024, 11:54
- 8,942
![Туск: Польшча вяртае 200-метровую буферную зону на мяжы з Беларуссю](https://i.c97.org/ai/596870/aux-head-1716972791-20240529_tusk_granica_360.jpg)
І накіроўвае новыя падраздзяленні.
Польшча вяртае 200-метровую буферную зону і накіроўвае новыя падраздзяленні на мяжу з Беларуссю. Пра гэта ў Дубічах-Царкоўных заявілі міністр абароны Уладзіслаў Касіняк-Камыш і прэм'ер-міністр Дональд Туск.
«Сёння рэкамендавалі нам тыя, хто самі служаць, каб мы як мага хутчэй вярнулі 200-метровую буферную зону ў 200-метровай паласе, дзе гэта патрэбна для эфектыўных дзеянняў дзяржаўных службаў ля мяжы. Супольна з міністрам абароны і міністрам унутраных спраў і разам з усім урадам прымем такую пастанову ў пачатку наступнага тыдня», - сказаў Туск.
Таксама паліцэйскія сілы будуць больш актыўна задзейнічацца на адрэзках, дзе адбываюцца спробы масавых прарываў. Туск падкрэсліў, што няма ніякіх змен, што агрэсія мігрантаў з'яўляецца невыпадковай і нарастае. З ягоных слоў, гэта метады гібрыднай вайны, накіраваныя на дэстабілізацыю Польшчы і Еўропы.
«Войска — найболей прадстаўленае фармаванне: 5,5 тысяч жаўнераў. Учора на пастанову генеральнага камандуючага тыпамі Узброеных сіл чарговыя ўзводы былі накіраваныя з найболей дасведчаных падраздзяленняў, найболей дасведчаныя камандасы 6-й паветрана-дэсантнай брыгады, 25-й брыгады паветранай кавалерыі, былі задзейнічаныя дадатковыя сродкі», - сказаў Касіняк-Камыш.
Сёння на мяжу пасля інцыдэнту з раненнем польскага жаўнера прыбыў прэм'ер-міністр Польшчы Дональд Туск, кіраўнікі Мінабароны і МУСіА Уладзіслаў Касіняк-Камыш і Томаш Сяманяк.
Нагадаем, 200-метровая зона дзейнічала ў 2021-2022 гадах. Яна была ўсталяваная на фоне міграцыйнага ціску на мяжы. Доступ у яе староннім асобам быў забаронены.