«Вось такі «клопат пра бяспеку беларусаў»
5- 29.05.2024, 10:37
- 3,194
![«Вось такі «клопат пра бяспеку беларусаў»](https://i.c97.org/ai/596855/aux-head-1716968271-20240529_vitebsk_gorodok_360.jpg)
На Віцебшчыне ўжо пяць гадоў рамантуюць пуцеправод.
Пуцеправод у Гарадоцкім раёне Віцебскай вобласці быў пабудаваны яшчэ ў 1976-м годзе. У снежні 2019-га, падчас праверак, ён выявіўся аварыйным.
Ходнікі, якія асыпаюцца, мноства дэфектаў у асноўных пралётах. Як вынік - была абмежаваная грузападымальнасць моста, піша чытач сайта Charter97.org:
- Мясцовыя «моцныя гаспадарнікі» толькі ў 23-м пачалі стварэнне праекта рамонту моста, які плануюць скончыць да 15 кастрычніка, але гэта не дакладна. Арыентаваная сума «распілоўвання» грошай склала ажно 720 тысяч рублёў. Ну, а пачаць рэканструкцыю плануюць не раней за верасень 2025-га.
І спалохаліся лукашысты, відаць, толькі праз базу захоўвання ракет, што знаходзіцца паблізу, якая павінна перавозіць шматтонныя ракеты і боепрыпасы. Вось такі лукашэнкаўскі клопат аб бяспецы беларусаў.
![](https://i.c97.org/ai/596855/aux-1716968199-IMAGE 2024-05-29 09_25_28.jpg)