Жыхары Менска скардзяцца на агрэсіўных варон
9- 29.05.2024, 10:21
- 5,464
![Жыхары Менска скардзяцца на агрэсіўных варон](https://i.c97.org/p/articles/2016/ai-236054-aux-head-20161230_vorona_360.jpg)
Птушкі атакуюць мінакоў.
Жыхары Менска абмяркоўваюць у дамавых чатах выпадкі нападу варон на людзей у дварах — птушкі атакуюць мінакоў і дзюбаюць іх. Чаму птушак стала больш і ў чым прычына агрэсіўных паводзін, патлумачылі арнітолагі, паведамляюць «Минск-Новости».
Са слоў навукоўцаў, вароны валодаюць развітым інтэлектам і без прычыны не будуць набліжацца да людзей.
«Праблема ў тым, што гэтыя птушкі не баяцца людзей, бо тыя стварылі ўмовы сталага падкорму, выкідваючы харчовыя адкіды. Вароны з часам адаптаваліся да таго, што чалавек для іх не вельмі вялікая пагроза, таму яны ўспрымаюць яго практычна як роўнага і могуць атакаваць, - распавёў навуковы супрацоўнік лабараторыі арніталогіі пры НАН Беларусі Іван Багдановіч.
Ён дадаў, што гэта дзікія стварэнні, яны больш старажытныя, чым чалавек, і гэта іх тэрыторыя.
«Мы прыйшлі на іх тэрыторыю, мы ствараем умовы для канфліктных сітуацый: не закрываем смеццевыя бакі, выкідваем лішкі ежы, якія прыцягваюць птушак, а яны, у сваю чаргу, рэагуюць на пагрозы з боку чалавека», - удакладніў Багдановіч.
Гэты перыяд доўжыцца звычайна блізу тыдня, і тым часам лепш за ўсё абыходзіць гнездавы ўчастак бокам: так будзе спакайней і людзям, і птушкам. Калі ўсё ж ніяк нельга абысці ўчастак, то ісці варта толькі па дарожцы, не заходзячы на траву.