УСУ перайшлі ў контрнаступ пад Харкавам і адбілі шэраг пазіцый
2- 29.05.2024, 9:36
- 7,040
![УСУ перайшлі ў контрнаступ пад Харкавам і адбілі шэраг пазіцый](https://i.c97.org/ai/565379/aux-head-1695789769-20230927_btr_360.jpg)
Апублікаваная мапа.
Сілы абароны Украіны правялі паспяховую контратаку на поўначы Харкаўскай вобласці і захапілі пазіцыі ворага ў кірунку Ліпцаў. Пра гэта гаворыцца ў справаздачы амерыканскага Інстытута вывучэння вайны.
«Геалакацыйныя кадры ад 28 траўня паказваюць, што УСУ аднавілі пазіцыі ўздоўж паласы на паўднёвы ўсход ад Лук'янцаў (на паўночны ўсход ад Ліпцаў і на поўнач ад Харкава)», - адзначаюць аналітыкі.
![](https://i.c97.org/ai/596844/aux-1716964271-1.jpg)
Акрамя таго, паводле звестак украінскіх і расейскіх крыніц, вораг ажыццяўляе наступальныя аперацыі ў кірунку населеных пунктаў Ліпцаў і Ваўчанска.
Паводле звестак «расейскіх ваенкараў» расейскія акупанты нібыта змаглі прасунуцца на 200 метраў у кірунку Ліпцаў і выцесніць украінскіх вайскоўцаў з пазіцый паблізу стадыёна і Ваўчанскага агрэгатнага завода на поўначы Ваўчанска, аднак у ISW няма візуальных пацвярджэнняў наконт дзеянняў расейцаў у гэтых раёнах.
Паводле інфармацыі Генеральнага штаба УСУ, працягваюцца актыўныя баявыя дзеянні на захад ад Ваўчанска, паблізу населенага пункта Старыцы і на паўночны ўсход ад горада каля Ціхага.
У той жа час расейскія войскі наносяць магутныя ўдары па Ваўчанску з ужываннем тэрмабарычных артылерыйскіх сістэм ТГС-2, паведаміў прадстаўнік групоўкі войскаў «Хорціца» УСУ падпалкоўнік Назар Валошын.
У ISW дадаюць, што расейцы наносяць бесперапынныя ўдары па інфраструктуры Ваўчанска планаванымі авіябомбамі.